Zindgi Ki Ik Nai Sehr Chahiay

*
Zindgi ki ik nai sehr chahiay
MEHR hum ko tulu-e-mehr chahiay

Her andesha-e-gham ko jo meethi neend sula de
Waqt k sehra me aisa pehr chahiay

Umeed jo rakhi hai aaj bhar aey wo kabhi
Chashm-e-nam ko ik nai dehr chahiay

Her bhanwar se door le jaey jo SAFINA
Lab-e-sahil ab to wo lehr chahiay

Talatum-e-roz-o-shab sada beMehr thehra
Ya RUBB ab to sakoot-e-behr chahiay

SAFINA MEHR

Haal Poocha Hai K Waar Kia Ho Jaisy

*
Haal poocha hai k waar kia ho jaisay
Koi teer seenay k iss paar kia ho jaisay

Khuwahish dil k biyabaan main bhatakti hai
Tu ne ruswa issay her baar kia ho jaisay

Rang-e-Wafa bhi koi rang ho jaisay
Jis ne urrnay pe issrar kia ho jaisay

Sab apnay apnay muqadar k makeen hai
Zindgi ne koi iqraar kia ho jaisay

Kahaan dhoonden Mehr jo chehray kho gaey
Waqt ki dhool ne sab humwaar kia ho jaisay

Safina Mehr

Sham Ho Ya Subhu K Bazaar Dekhna

*
Shaam ho ya subhu k basaar dekhna
Deedah-e-ter k sadaa aasaar dekhna

Lafzon k phoolon main lehjon k teer thay
Gulab thay ya nok-e-khaar dekhna

Bhula dia to aap ki khuwahish na thi huzoor!
Phir kiun khafa hain serkaar dekhna

Khuwabon ki jagah aankh main garrhay parray huway
Beenai chhin gai hai os k waar dekhna

Maqtal ki raah k sab shajr ro parray
Jis dhaj se aaey hain yar dekhna

Saafina Mehr

Sood-o-Zayan Ka Kab Ye Hisab Rakhti Hai

*
Sood-o-Zayan ka kab ye hisab rakhti hai
Muhabbat to muhabbat hai zarf-e-sahaab rakhti hai

Munafqat na phailao zer-e-libadah-e-maslhat
Her kahani apna apna nisab rakhti hai

Wo kirchian inhi aankhon main chubh jaen gi
Barrdi chah se jin main wo khuwab rakhti hai

Khoon-e-dil khudi ki maot zindgi iss ki
Muhabbat ye jo chehrah gulab rakhti hai

Her naey mausam ko rag-o-pae main samo le
Kab tabiyat ye zarf-e-injzab rakhti hai

Aey munsifo! dekho, suno, kuchh to kaho!
Katehray main kharri aurat jawab rakhti hai


Mehr kya kahay tujh se safr-e-aarzu ka muddea sahil
Ye kashti wo hai jo moj-e-payaab rakhti hai

Safina Mehr