Zindgi ki ik nai sehr chahiay
MEHR hum ko tulu-e-mehr chahiay
Her andesha-e-gham ko jo meethi neend sula de
Waqt k sehra me aisa pehr chahiay
Umeed jo rakhi hai aaj bhar aey wo kabhi
Chashm-e-nam ko ik nai dehr chahiay
Her bhanwar se door le jaey jo SAFINA
Lab-e-sahil ab to wo lehr chahiay
Talatum-e-roz-o-shab sada beMehr thehra
Ya RUBB ab to sakoot-e-behr chahiay
SAFINA MEHR
No comments:
Post a Comment