Sood-o-Zayan ka kab ye hisab rakhti hai
Muhabbat to muhabbat hai zarf-e-sahaab rakhti hai
Munafqat na phailao zer-e-libadah-e-maslhat
Her kahani apna apna nisab rakhti hai
Wo kirchian inhi aankhon main chubh jaen gi
Barrdi chah se jin main wo khuwab rakhti hai
Khoon-e-dil khudi ki maot zindgi iss ki
Muhabbat ye jo chehrah gulab rakhti hai
Her naey mausam ko rag-o-pae main samo le
Kab tabiyat ye zarf-e-injzab rakhti hai
Aey munsifo! dekho, suno, kuchh to kaho!
Katehray main kharri aurat jawab rakhti hai
Mehr kya kahay tujh se safr-e-aarzu ka muddea sahil
Ye kashti wo hai jo moj-e-payaab rakhti hai
Safina Mehr
No comments:
Post a Comment