Tark-e-Khuwahish ka bharam rehnay day
Yaad-e-Dost ye nazr-e-karam rehnay day
Umeed k dhokay me naey khuwab na dikhla
Iss aankh me naqsh naqsh-e-alam rehnay day
Raat k aanchal me nahi koi sitara
Ik jaltay diay ka hi bharam rehnay day
Teray zarf k paiymanay ki hadd janti hoon
Naey rang me koi naya janam rehnay day
Meray lehjay ki tappash jhulsa day gi tujhay
Meray hathon me bus mera qalam rehnay day
Naheen muntazir ab koi ser-e-koocha-e-daar
Tu apni wafaon ka alam rehnay day
SAFINA MEHR
No comments:
Post a Comment