Usay apna banaya tha bohat
Humen jis ne rulaya tha bohat
Kesay chhorren ye tera daman
Jisay rukh pe giraya tha bohat
Wohi rang chehray ka unwan thehray
Jinhen khud se chhupaya tha bohat
Konplen phir bhi magar phoot aaeen
Apni khuwahish ko dabaya tha bohat
Nami aankh me honton pe hansi hai
Ab k yaron ne hansaya tha bohat
Chalo rastay se bhatak jaen Mehr
Iss rah pe dil ko jalaya tha bohat
Safina Mehr
No comments:
Post a Comment